Viðurkenning Túns samkvæmt kröfum Vakans

Frá og með 1. febrúar 2019 hafa fyrirtæki í ferðaþjónustu átt kost á að sækja um viðurkenningu Túns samkvæmt kröfum Vakans – gæða- og umhverfiskerfis ferðaþjónustunnar, sem er í eigu Ferðamálastofu (sjá www.vakinn.is).

Vottunarstofan Tún býður fyrirtæki þitt velkomið í hóp þeirra sem leita viðurkenningar óháðs aðila til að sannprófa framfarir ykkar í gæða- og umhverfismálum. Þeir sem uppfylla viðmið Vakans fá heimild til að nota gæðamerki þessa kerfis í markaðssetningu þjónustu sinnar.

Með þátttöku í Vakanum stuðla ábyrg ferðaþjónustufyrirtæki að mælanlegum framförum á sviði umhverfisverndar, bættri ímynd gagnvart viðskiptavinum, öruggara starfsumhverfi fyrir starfsfólk og viðskiptavini, og aukinni sjálfbærni ferðaþjónustu á Íslandi í heild sinni.